Subay sa report sa Davao City Police Office, alas 8:05 sa gabii sa dihang nakadawat sila'g tawag gikan sa Central 911 labot sa insidente.
Nasuta sa imbestigasyon, usa ka 74-anyos, caretaker sa boarding house nagsulti nga iyang nakita ang usa sa mga suspek nga nailhang si alias nga "Danny Long Hair,” 52 anyos, nga nagdaling migawas sa boarding house ug naglakaw padulong sa wa matinong direksyon.
Ang biktima nailhang si Manolo Mendoza, 55 anyos, minyo ug renter sa maong boarding house. Ang biktima nakaangkon og daghang samad sa liog, likod, ug dughan nga hinungdan sa iyang kamatayon.
Nakarekober sa crime scene ang kutsilyo, sling bag nga dunay kwarta, ID cards, headphones, ug uban pang personal nga gamit sa biktima.
Nadakpan sa kapulisan ang duha ka suspetsado, nga giilang sila alyas “Long Hair” ug “Nilo.”
Kaso gihikay na sa kapulisan batok sa nga dinakpan.
📸DCPO
Facebook Conversations