46-anyos, gipusil patay sa Davao del Sur

Basi sa tahu sa Digos Police Office, giila ang biktima nga si Janilo Alferes Mondejar, residente sa gikaasoyng barangay.

Nasayran nga igo lang galingkod ang biktima sa tindahan duol sa pinuy-anan  niini sa dihang kalit mibutho ang duha ka lalaki nga naka-motorsiklo ug dayon pusil sa biktima punterya sa dughan niini nga nakaingon sa iyang kamatayon.

Paspas nga nisibat ang mga suspek sa direksyon sa GenSan-Davao Highway human sa insidente.

Nakuha sa crime scene ang usa ka unit nga fired cartridge ug usa ka bala nga gituohang gikan sa kalibre 45 nga pistola.

Padayong gipangita sa kapulisan ang mga suspetsado samtang ginatumbok sab ang motibo sa pagpamusil.