Kritikal ang kahimtang sa usa ka 31-anyos nga lalaki human kini gipusil sa wala pa mailhing suspetsado sa Brgy. Savoy, Matanao, Davao del Sur alas 12:30 sa udto, Disyembre 27.
Giila ang biktima nga si Jestoni Villaraza Emelio "Alyas Sadam", nga residente sa nasampit nga Barangay.
Unang nahibaw-an nga natumba lang sa gimanehong motorsiklo ang biktima, apan sa pagsubay, duna diay kini samad pinusilan sa likod nga bahin sa iyang lawas.
Gitabang sa mga personahe sa Rural Health Unit(RHU), nga niadtong tungora nagapahigayon ug Vaccination sa Brgy Savoy Gym si Emelio ug gidala kini sa bay tambalanan.
Nagpabilin pa sa bay tambalanan ang biktima samtang padayong gisubay sa kapulisan ang maong panghitabo.
Hulagway: Matanao PNP
Facebook Conversations