Tulo ka gikatahapang drug personalities sa dakbayan sa Mati, Davao Oriental ang nadakpan sa buy-bust operation sa mga ahente sa Philippine Drug Enforcement Agency (PDEA) tungang gabii Sabado (Oktubre 15).
Giila sa PDEA ang mga dinakpan nga sila Rodnick Verdeflor, 25, residente sa Barangay Matiao sa gikaasoyng syudad ug ang kapuyo niini nga si Janet Palmero. Lakip nga nasikop ang drug den visitor Edvic Verdeflor.
Si Rodnick ang giingong punterya sa ronda sa PDEA uban ang mga personahe sa kapulisan sa probinsya sa Davao Oriental .
Gibana-banaang mutimbang sa lima ka gramos sa shabu nga mubalor sa P75,000 , buy-bust money, ug drug paraphernalia ang nakuha gikan sa mga dinakpan.
Kasong pagsupak sa Republic Act 9165 o Comprehensive Dangerous Drugs Act of 2002 ang atubangon sa mga suspetsado.
Hulagway gikan sa PDEA
Facebook Conversations