Tingkagol sa prisuhan ang giingong top 9 Regional Level Priority, High-Value Individual atol sa gilusad nga buy-bust operation sa Purok Makugihon, Brgy. Dahican, Mati City Martes sa gabii (Marso 8).
Giila ang dinakpan nga si Noel Espelimbergo Escasinas Jr., 22, residente sa gikaasoyng barangay.
Atol sa operasyon,nakuha gikan kaniya ang gituhuang shabu nga mubalor sa P24,000, ug buy-bust money.
Pasakahan kini ug kasong paglapas sa Sections 5 ug 11 sa Republic Act (RA) 9165.
Samtang gibutyag sa bag-ong regional director sa kapulisan sa rehiyon Brigadier General Benjamin Silo nga determinado ang mga awtoridad nga ipadayon ang gipakusgang kampanya batok sa illegal nga droga.
Tinguha sa liderato ni Silo nga mapuksa ang problema sa illegal nga droga dinhi sa rehiyon.
Hulagway:PRO 11
Facebook Conversations