Ang duha, mga residente sa Maragusan, ug giingong nangarkila sa Manila, Tagum City gidakop sa usa ka boarding house karong sayo sa buntag, Hulyo 10, 2025.
Alas-5 Miyerkules sa buntag gisud ang balay sa pamilyang Coquilla ug gipatay ang biktimang si Sophia Coquilla, estudyante sa UP Manila.
Ang biktima nakahiagom ug 38 ka dunggab.
Dumbel ug grasscutter ang nakita ug ang kutsilyo nga gigamit sa pagpatay sa biktima nga nakita mismo sa lugar sa nahitabuan sa 2nd floor, sa mismong kwarto sa biktima.
Abtik nga gilusad sa Davnor Provincial Police ubos sa kamanduan ni Colonel Alexander Serrano, Jr., ang operasyon ug girumbo ang boarding house sa mga suspek.
Nakuha ang gibana-banaang nangawala nga gamit sa biktima sama sa Apple laptop, iPad, giguba nga iPhone, 2 ka wristwatches/relo sa kamot
Nakuha usab ang nagkadugo nga usa ka butterfly knife, kitchen knife nga gikatuohang apil sa gigamit sa krimen.
Natumbok ang mga suspek tungod sa rebelasyon sa usa ka testigo.
Duna pay laing duha ka mga suspek ang giukoy-ukoy sa kapulisan.
Kasamtangang anaa sa Women's and Children Protection Desk (WCPD) ang dinakpang suspek.
“This operation is a clear demonstration of DNPPO’s swift and unwavering commitment to justice. We will not rest until all those responsible are held accountable,” pahayag ni Serrano.
Mag-atubang ang mga suspek ug kasong robbery with homicide.