Ang listahan usab sa mga apektadong pamilya ang gikumpirma usab sa City Social welfare and Development Office o DCWDO sa siyudad sa Davao.
Sumala ni Atty. Marlisa Gallo, ang hepe sa DCWDO mokabat ngadto sa threse ka mga barangay sa siyudad ang apektado sa maong pagbaha. kining mga barangay mao ang Barangay 2-A, nga dunay 894 ka mga apektadong pamilya, Barangay 5-A dunay 1325 ka mga pamilya, barangay 8-A 1,300 ka mga pamilya ang apektado, Brgy.9-A 918 ka mga pamilya, Brgy.10-A 679 ka mga pamilya, Brgy.19-B 449 ka mga pamilya, Maa 959 ka mga pamilya, Matina Crossing 1403 ka mga pamilya, Tigatto 1490 ka pamilya, Waan 457 ka mga pamilya,Bantol 5 ka pamilya, Buda 48 ka pamilya ug Brgy. Tamugan nga dunay 40 ka pamilya nga apektado.
Sumala ni atty Gallo, nga ang listahan apil na ang pamilya nga wala niadto sa mga evacuation centers, samtang ang mga kasagaran sa mga apektado ang temporaryo nga mihiklin sa mga sa mga luwas nga lugar.
Ang siyudad sa davao ang nanghatag dayon ug mga gamit ug panginahanglan sa mga nagbakwit apil na mga pagkaon.
Gibutyag pa sa Davao City Disaster Risk Reduction and Management Office nga ang pagtaas sa tubig sa Lasang ug Matina river gumikan kini sa Tail end of the Frontal System.
Naglusad ug search and rescue operations ang mga operatiba sa Davao City Central 911 niadtong Nobyembre 10 human nga gibaha ang pipila ka lugar sa syudad. Partikular ang lugar sa Jade Valley, Tigatto, ug Bacaca. Hulagway gikan sa Central 911