Sa iyang mensahe, gibutyag sa Pangulo nga seryuso ang gobyerno nga muhatag financial assistance sa mga pamilyang apektado sa bagyong Odette.
Gipasalig usab sa pangulo nga magpadayon ang paghatod ug tabang sama sa pagkaon ug mga nag-unang panginahanglan.
Ang nahisgutang ceremonial turnover gihimo sa Siargao Island Institute of Technology (SIIT) sa munisipalidad sa Dapa.
Ang SIIT, mao karon ang nagsilbing usa sa gigamit nga evacuation centers, samtang ang main building niini gigamit isip Provincial Operation Center alang sa relief efforts sa isla.
Mikuyog usab si Willie Revillame kang Pangulong Duterte nga nagtunol ug kinatibuk-ang tabang pinansiyal nga P9 milyon o P1 milyon sa matag alkalde sa siyam ka munisipyo sa Siargao alang sa rebuilding efforts niini.
Samtang ang DSWD Field Office Caraga, nipasalig usab ug epektibong disaster relief operations sa isla sa Siargao.
Una nang nagbutang ang DSWD Caraga ug team sa Emergency Operation Center aron masiguro nga dunay han-ay nga koordinasyon sa mga ahensiya, mga non-government organizations, ug mga lokal nga gobyerno.
Contributed Photo