Sumala pa kang PNP Public Information Office Chief Police Colonel Jean Fajardo, nihatag ug commitment ang Provincial Prosecutor nga ilang resulbahon ang kaso sulod sa gitakdang “10-day period”.
Una nang gipahibawo ni Fajardo nga gisang-at na niadtong Miyerkules PRO 10 ang kasong MURDER at THEFT batok sa wala ginganlang suspek ug duha ka “john doe” nga nalambigit sa pagpusil-patay kang Jumalon nga mas naila isip “Johnny Walker”.
Mupailawom kini sa ebalwasyon sa Assisting Prosecutor ubos sa case build-up mechanism sa Department of Justice subay sa DOJ Department Circular No. 20, aron matumbok kung duna bay igong ebidensya.
Kahinumdumang si Jumalon gipusil sa gunman sulod sa iyang balay nga maoy nagsilbing broadcast studio niini niadtong domingo sa buntag (Nobyembre 5) samtang nakabantay sa gate ang ika-duhang suspek ug gahulat sa gawas ang ikatulong suspek.