Ang mga nibalik sa sabakan sa gobyerno gipangunahan alyas Tata, commanding officer sa Dabu-Dabu Platoon, Revolutionary Hit Force, Far South Mindanao Region kauban ang duha pa ka sakop niini.
Dungan sa ilang pagsurender ang duha ka 5.56 Elisco M16A1 rifle ug usa ka 7.62mm M14 rifle.
Sa initial debriefing, gibutyag sa tulo nga nakahukom sila nga mosurender tungod sa kalisod nga ilang nasinatian sa way puas nga operasyon sa militar ug ang kawalay moral ug pinansyal nga suporta gikan sa ilang grupo.
Gidayeg ni AFP Western Mindanao Command (WestMinCom) commander Lieutenant General William Gonzales ang mga tropa sa bag-ong accomplishment.
Ang pagsurender sa mga nabiling sakop sa komunista nagpakita nga epektibo ang paningkamot sa militar sa tabang na usab sa ahensya sa gobyerno ug uban pang stakeholders.
Hulagway gikan sa WestMinCom