Gibutyag ni PNP Public Information Office Chief Police Colonel Jean Fajardo atol sa press conference sa Camp Crame adlawng Miyerkules nga 12 sa maong mga insidente mao ang Shooting incident, 2 ang kidnapping, 1 ang grave threat, 1 ang indiscriminate firing, 1 ang pagsupak sa Gun ban, ug usa ang Police operation nga nisantop sa enkwentro.
Upat sa maong insidente nahitabo sa Bangsamoro Autonmous Region; tag-3 sa Region 4A, Region 10 ug Region 8; tag-usa sa Region 1, Region 9 ug Region 7.
Pito sa maong mga insidente anaa sa Prosecutors Office alang sa pagpasaka ug kaso, 8 ang Under Investigation, 1 ang nakasuhan na sa korte, ug 2 ka suspek ang natumbok na.
Sumala pa kang Fajardo, walay kabag-uhan sa ilang klasipikasyon sa sitwasyong pang-seguridad sa kapin 42,000 barangay sa tibuok nasod kundiin 356 pa gihapon ang anaa sa red category, 1,325 ang anaa sa orange category, 1,196 barangays anaa sa yellow category, ug ang nabiling kapin 39, 000 barangays natalang di problemado.