Sumala pa kang PNP Public Information Office Chief Police Colonel Jean Fajardo, kanhiay na nga nakapasaka ang PNP ug kaso batok sa nahisgutang grupo niadtong 2019 tungod sa pagsul-ob ug Police ug military uniform sa pipila ka miymebro.
Samtang Mayo 2021 ug Mayo 2023 , duna na sab kasong gipasaka sa PNP batok sa lider sa grupo nga si Jay Rence Quilario nga giila isip senyor Agila.
Sa pagkakaron, nakasang-at na sab ang NBI ug kasong qualified trafficking, serious illegal detention, paglapas sa Republic Act (RA) 11596 o An Act prohibiting the practice of Child Marriage, ug pagsupak sa RA 7610 o Special Protection of Children against abuse and exploitation, batok sa pipila ka opisyal sa grupo.
Una nang nabaniug nga ang nahisgutang kulto gipadagan sa armadong grupo nga sumala pa nalambigit sa ilegal nga droga.
Gikumpirma sab ni Surigao del Norte Provincial Police Office (PPO) Director Police Colonel Laudemer Laude nga dunay pipila ka pulis ug sundalo ang nag AWOL (Absent without leave) aron muabin sa naasoyng kulto.