Mismong mga pulis ang nangunay sa pagplano sa maong aktibidad ug pag-alalay sa mga kaslonon sa pag proseso niini sa ilang papeles arun dile na kini malisdan.
Ang mga gipangkasal, nanumpa arun pormal nga sudlan ang kinabuhi sa kaminyoon atubangan ni Reverend Father Consorcio Lopez, ang parish priest sa Bansalan.
Mitambong sa seremonya ang mga stake holders, opisyales sa Barangay ug mismong mga pamilya sa paryente sa mga gikasal.
Present usab si Colonel Edgar Alan Okubo, ang deputy regional director for administration sa Police Regional Office (PRO) 11 nga nagpaabot sa iyang pagpasalamat sa paningkamot sa kapulisan alang sa malampusong seremonya.
Gawas sa pagtabang sa mga residente, kaabag usab ang R-PSB sa pagtukod sa mga mahinungdanong proyekto sa usa ka komunidad samansa patubig, pasuga,ug uban pang proyekto.
Hulagway: Bansalan PNP