Sumala pa kang Police Major Joan Navarro, tigpamaba sa Police Regional Office 10, nigawas sa autopsiya nga “asphyxia” o kawalay oxygen ang hinungdan sa pagkamatay ni Patrolman Jeffrey Dabuco nga na-assign sa Regional Mobile Force Batallion 10.
Pasabot no Navarro, posibleng patay na si Dabuco sa dihang gilabay sa sapa.
Nakit-an ang patayng lawas ni Dabuco sa Lanao del Sur Hunyo 26, human katapusang nakita sa Kalilangan, Bukidnon ug gideklarang “missing” niadtong Hunyo 23.
Sa kasamtangan, naka-restrictive custody na ang 9 pulis nga katapusang nakauban ni Dabuco samtang gisuta sab kung duna ba kini kasayuran sa pagpatay kang Dabuco.
Hulagway gikan sa PNP