Ang mga gi-repatriate nga mga langyaw kalakip sa kapin kon kulang sa 1,000 biktima nga gi-recruit online sa usa ka kompanya nga gironda sa ACG lakip ang uban pang ahensiya sa gobyerno sa Clark Freeport zone niadtong Mayo 4.
Gipasaligan matod pa ang mga biktima ug lehitimong trabaho sa Pilipinas, apan pag-abot sa nasod, gikuha ang ilang passport ug gipatrabaho isip call center agents nga nang-agni sa mga langyaw nga mag-invest sa cryto-currency scam.
Sumala pa ni ACG Spokesperson Police Captain Michelle Sabino nga 369 sa mga langyawng biktima, nahatagan ug flight booking aron makauli sa ilang tagsa-tagsa ka nasod.
140 Vietnamese, 107 Indonesian, ug upat Malaysian, ang nakalakaw na gikan sa Pilipinas sugod Mayo 25 hangtod Mayo 31.
Samtang 51 Vietnamese lakip ang 2 embassy personnel, nihawa ning adlawa ug 69 pa ka Vietnamese ang nakatakdang molupad sa Hunyo 4 ug 5.
Mga langyawng biktima sa human trafficking, nagpasalamat. Video gikan sa PNP ACG