Ang bagong programa ng DPWH ay tinawag na Assistance to Youth and Unemployed for Development and Advancement (AYUDA) Program .
Ayon kay DPWH Acting Secretary Roger Mercado layon ng inisyatibang ito na tugunan ang nakakaalarmang unemployment rate sa bansa.
Anya, kahit niluwagan na ng pamahalaan ang restrictions sa pagbubukas ng operasyon ng negosyo, marami pa rin aniyang kakaharapin na pagsubok ang mga manggagawa.
Ipapatupad ang AYUDA Program sa lahat ng 16 Regional Offices at 189 District Engineering Offices ng ahensya sa buong bansa.
“Through this program, we hope to support Filipino families by employing at least one member per household as well as empower the youth by making them productive members of the society,” saad nin Mercado.
Sinabi ng opisyal na kabilang sa mga trabahong nakalaan para sa mga benepisyaryo ay ang pagwawalis sa kalye, paglilinis ng street signs, pàghahakot ng waste materials, at pagpintura sa mga concrete barriers.
Larawan: DPWH FB Page