Sumala pa kang PNP Spokesperson Police Colonel Jean Fajardo, dunay mga rebelasyon ang mga suspek nga anaa sa kustodiya sa PNP labot sa posibleng mastermind sa krimen, busa nag-amping ang PNP sa pagpagawas ug impormasyon aron di makumpromiso ang imbestigasyon.
Dugang ni Fajardo, gisa-pinal sa Special Investigation Task Group ang mga posibleng kaso nga ipasaka batok sa mastermind.
Matod ni Fajardo, naka-execute na ug extra judicial confession ang duha sa upat sa naarestong suspek, ug nitabang ang Department of Justice (DOJ) ug PNP aron masigurong “air tight” ang kaso batok sa posibleng mastermind sa krimen.
Sa pagkakaron, gilantaw sa PNP ang anggulong politika sa insidente, sanglit ang paglingkod ni Degamo isip Gobernador epekto sa diskwalipikasyon sa iyang kalaban sa politika.