Sa ulahing report OCD Biyernes sa buntag (Pebrero 24), mihubas na ang tubig-baha sa 23 gikan sa 25 lugar nga gibaha.
Apektado sa insidente ang kapin 14 mil pamilya o kapin sa 61 libong indibidual, kundiin 451 pamilya o 1,700 indibidual ang kasamtangang anaa sa nagkadaiyang evacuation center.
Gibana-banaang kapin sa P105 million ang damyos sa agrikultura; samtang 5 ka balay ang gikatahung partially damaged ug duha sab ka balay ang hingpit nga naguba.
Nakahatag ang mga lokal nga gobyerno ug tabang-pinansyal sa halos P2.6 million sa mga apektado sa Carmen, Davao del Norte pinaagi sa Department of Social Welfare Region 11.
Gilayong nagpadala ug Portable Emergency Shelter og Water Tank si Governor Edwin I. Jubahib sa mga apektadong pamilya sa Brgy. Ising, Carmen, Davao del Norte alang sa ilang temporaryong kapuy-an mintras lubog pa sa baha ang ilang panimalay.