Kini ang gibutyag ni AFP Western Mindanao Command (Westmincom) Commander Lieutenant General Roy Galido human ang pagbisita ni Australian Deputy Prime Minister (DPM) ug Minister of Defense Richard Marles sa 6th Infantry Division Headquarters sa Maguindanao di pa dugay.
Sa maong pagbisita, gikuyugan ni AFP Chief of Staff General Andres Centino si DPM Marles sa pagsaksi sa counter-terrorism training demonstration sa mga tropa sa Philippine Army ug ilang Australian counterpart.
Suma ni Galido, ang pagbansay kahigayunan sa duha ka pwersa nga makakat-on sa usag-usa sa urban warfare ug casualty care.
Matod ni Galido, nahimong mabungahon ang panaghisgot tali sa mga opisyal sa AFP sa ilang Australian counterparts busa daghan pang joint exercise nga buhaton sa Philippine ug Australian Army sa umaabot nga panahon.
Ang pagbisita ni DPM Marles sa 6ID kabahin sa iyang tulo ka adlaw nga pagbisita sa nasod sa tinguha nga pakusgan ang kutay sa pagdepensa sa Pilipinas ug Australia.