Kini human nadakpan adlawng Sabado sa Paranaque ang lima ka miyembro sa sindikato nga giilang sila JUN FRANCIS PAVILLAR VILLA, LAWRENZ DESCARTIN LINGO, JHONAS GRIMPULA BELONIO, BERNARD TY TORRES, at MARK JOSEPH DAGAME PELONIO.
Sumala pa kang CIDG Director Police Brigadier General Ronald Lee, kini ang pinakaunang higayon nga naka-engkwentro sa PNP ang susamang matang sa kriminal nga grupo, nga nagapangdagit aron makatigom ug pondo alang sa sa sex-change operation.
Modus sa sindikato nga ginganlan ug “Warla criminal group” ang magpakaron-ingnon nga mga maanyag nga babae sa mga “dating app”ug social media sites para makabiktima ug mga langyawng nga ania sa nasod nga nangitag kalingawan.
Sumala pa ni CIDG-NCR Chief Colonel Hansel Marantan, sukad nagsugod ang grupo niadtong 2018, 14 na ang ilang nakidnap ug nakatigom na ug halos P5 million ransom money.
Dugang ni Marantan, kasamtangang gipangita ang 6 pa ka miyembro sa sindikato kalakip na ang lider sa usa ka alyas “Mikey”.
Hulagway gikan sa PNP-AKG