Subay sa tahu sa Police Regional Office (PRO) 11, nahitabo ang hazing adlawng Dominggo (Septyembre 18) sa Purok Sto. Niño, Sison Village, Upper Mandug, Buhangin District.
Una nang girespundihan sa Mandug Police Station ang usa ka tawag sa telepono labot sa patayng lawas nga nakita sa gikaasoyng lugar kinsa nailhang si August Ceazar P Saplot.
Si Saplot, giingong pledgee sa ALPHA KAPPA RHO Fraternity, Alpha Delta Chapter.
Sa gihimong follow-up operation, sikop ang mga suspek nga sila Jeremiah Obedencia Moya; Leji Wensdy Ofecio Quibuyen; John Lloyd Garciano Sumagang; Harold Joshua Sagaral Flauta;John Steven Baltazar Silvosa;
Ramel John Potenciano Gamo; Gilbert Escodero Asoy, Jr; ug Roseller Andres Gaentano.
Duna pay laing unom ka mga estudyante ang gipangita sa mga otoridad nga apil sa initiation rites nga sila Ryan James Ranolo; Harold Gocotano; John Bacacao; Cherie Norico; Kadjo Matobato and George M. Regalado.
Gawas sa namatay, duna pay usa ka estudyante ang nabutang sa kritikal nga kondisyon tungod sa hazing.
Mag-atubang ang mga suspetsado ug paglapas sa Republic Act 8049 o ang Anti-Hazing Law.
Una nang gikondena sa tagdumala sa UM ang insidente ug niingong ban sa tulunghaan ang unsa mang fraternities.
Wala usab giila sa UM ang ALPHA KAPPA RHO Fraternity kung asa maoy gisudlan sa namatayng estudyante.
Hulagway gikan sa PRO 11