3 sundalo patay sa atake sa detachment sa militar sa Al-Barka, Basilan

Gikumpirma sa Joint Task Force Basilan ang pag-atake sa armadong grupo sa detachment sa 16th Infantry Batallion sa may Hill 510, Brgy. Mancawa sa Al-Barka, Basiilan.

Sumala pa ni Brigadier General Domingo Gobway, Commander sa Joint Task Force Basilan  nahitabo ang pag-atake tali ala 1:30 ug alas-2 hapon sa adlawng Huwebes (Setyembre 15).

Tungod sa insidente, 2 sa mga sundalo ang dead on the spot samtang usa pa ka sundalo ang dead on arrival sa ospital.

Matod ni Gobway,  gitunong matod pa sa mga armadong lalaki ang pag-atake sa detachment nga nagrelyebo sa mga guwardiya ang iyang mga sakop.

Gikatahung pito ka mga armadong lalaki nga wala pa matumbok nga lawless element group ang miatake sa detachment

Gilusad na ang hot pursuit operations sa Militar aron patubagon ang grupong misulong sa mga sundalo.