Giila ang misurender nga NPA nga si RICARDO R BISAYA SR. alias BUKAWI. Si Bukawi, miyembro sa Weakened Guerilla Front 18 ubos ni kumander Baytol.
Matod sa saysay ni Bukawi, nakasulod siya sa kalihukan sa tuig 2015 human na-recruit sa usa ka Alyas Cara ug alyas Rene.
Dugang niini nga galihuk matod pa ang ilang grupo sa bukid nga bahin sa Davao Oriental.
Sa iyang pagsurender, gitug-an niini ang mga nakatagong armas sa Barangay Tagbuwak, Lupon, Davao Oriental, butang nga gilayong giadtuan kini sa mga awtoridad ug nakuha ang giingong mga armas nga gilangkuban sa duha ka tag-as nga pusil.
Si Bukawi, dunay standing warrant of arrest sa kasong homicide nga giisyu ni Honorable Judge Emilio G Dayanghirang III, sa RTC, 11 Judicial Region, Branch 32 nga dunay pyansang P120,000.
Kasamtangang anaa sa kustodiya sa Maco PNP si Bukawi alang sa debriefing.
Padayong ginasuta kung kuwalipikado kining makadawat sa tabang sa gobyerno nga mao ang Enhance Comprehensive Integration Program (ECLIP).
Hulagway gikan sa PRO 11