Nasayran nga gi-rescue sa kapulisan ang actress nga si Ana Jalandoni human giingong samdan ug gikulong sulod sa usa ka hotel sa Tagaytay City.
Sa inisyal nga impormasyon, nakadawat ug tawag ang kapulisan sa Tagaytay labot sa pagpangayo ug tabang ni Jalandoni tungod sa sumala pa gihimong pagpanakit sa aktor nga nahitabo sa usa ka hotel sa Tagaytay.
Sa pagresponde sa mga pulis, ilang naabtan sa hotel ang biktima nga luya ug dili makaginhawa busa gilayon kining gidala sa ospital aron patambalan.
Gikumpirma sa Public Information Office sa Tagaytay PNP anaa sa ilang kustodiya ang aktor ug kasamtangang mipailawom sa imbestigasyon.