Giila sa otoridad ang dinakpan nga usa ka Mr. Peter Paul T Parista, 32-anyos, ulitawo, ug residente Barangay Mantibugao Alae, Manolo Fortich, Bukidnon.
Gidakop si Parista kinsa sakay sa pula nga prime mover trailer truck nga dunay plate number MAC 6045 sa paglabay niini sa checkpoint.
Matud pa nakuha gikan sa posisyon niini ang .25 gramos nga gibug aton sa illegal nga druga nga shabu nga nagkantidad ug P4,000.00 apil na ang mga drug paraphernelia.
Giindorso na karon sa Calinan Police station ang dinakpan aron mapasakaan ug kaso.
Sa laing bahin, dakpan usab sa checkpoint sa Sirawan, Toril ang usa ka Bernard John A. Batulan, 25-anyos ug residente sa Dacudao Village, Toril ning syudad nga nagbitbit ug marijuana.
Nasayran nga si Batulan dunay dalang bag apan sa pag-agi niini sa inspection area, nadiskobrehan sa mga otoridad ang usa ka pakete sa marijuana nga dunay timbang nga 20.6 gramos nga gi ana-banaang mukantidad sa P3,090.
Sng pagkasikop sa duha tungod sa gipahugtang pagpatuman sa culture of security ug anti-illegal drugs campaign sa syudad
Hulagway: TF Davao