Isa na dito ang paghahain ni Mayor Sara Duterte ng COC sa pagka- bise presidente.
“Kahapon ng umaga (Sabado), alam ko na nag file si Inday,” pahayag ng pangulo.
Sa interbyu sa kilalang supporter ni Pangulong Duterte na isa ring YouTube vlogger na si Banat By, tahasang sinabi ng Pangulo na hindi niya nagustuhan ang naging pasiya ni Sara at hindi naman aniya niya ito masisisi gayung matagal na silang hindi nag- uusap.
“Hindi ko nagustuhan ang nangyari. Hindi ko siya sinisisi (si Inday). I’m sure yung pagtakbo ni Sara desisyon nila Bongbong yun,” saad ng Pangulo.
Sinabi ng Pangulo na batay sa kanyang napag- alaman, dalawang certificate of candidacy ang hiningi umano ng Alkalde ng Davao City at ito ay para sa pagka- presidente at Bise- Presidente.
“Dalawa certificate of candidacy ang hiningi niya. President at Vice President,” paglalahad ng pangulo.
Samantala, kinumpirma ng Pangulo na magkakaruon siya ng anunsiyo kung itutuloy ang pagtakbo sa pagka- Bise Presidente na kung matutuloy ay tiyak na kanyang makakatunggali ang kanya mismong anak na si Mayor Sara.
Ayon sa pangulo, kanya umanong isisiwalat sa panahon ng election campaign kung bakit hindi siya maaaring sumuporta sa ilang mga kandidato gaya ni Bongbong Marcos at Manny Pacquiao.