Suma sa tigpamaba sa Department of Education (DepEd) 11 Jenielito Atillo nga kinatibuk-ang 9, 108 ang delegasyon nga gilangkuban sa 1,103 coaches; 235 chaperons; ug 1, 802 delegation officials.
Dugang sa opisyal nga dunay tulo ka mga bag-ong sporting events sa 2026 DAVRAA Meet nga magsilbing preprasyon alang sa 2026 Palarong Pambansa mao ang Weightlifting, football secondary girls, ug Futsal elementary.
"We are hoping that we can get the best teams to represent Davao Region in the Palarong Pambansa 2026," pahayag ni Atillo.
Gi-target sa DepEd 11 nga masungkit ang Rank No. 2 sa Palarong Pambansa 2026.
"We remain to be the strongest region in Mindanao," Suma ni Atillo.
Samtang andam na sab ang Davao del Norte isip host sa 2026 DAVRAA Meet.
Gibutyag ni Davao del Norte Governor Edwin Jubahib nga dili na bag-o alang sa probinsya ang pag-host sa DAVRAA sanglit tulo na sab ka tuig nga nagsilbing host ang DavNor.
Himoon ang opening sa 2026 DAVRAA Meet alas 4 sa hapon, Pebrero 22 sa Davao del Norte Sports and Tourism Complex sa Mankilam, Tagum City, Davao del Norte.
DepEd 11 spokesman Jenielito Atillo ug Davao del Norte Governor Edwin Jubahib