Giila ang biktima nga usa ka Feliciano Mangcal Mula, 50 anyos, mag uuma ug nagpuyo sa Sitio Datalpitak, Brgy. Colonsabac, Matanao, Davao del Sur.
Sa inisyal na report sa kapulisan, nahibaloan nga ming adto kining biktima sa balay sa suspetsado, nagdala kini ug sundang, ug didto nakig lalis matud pa ang biktima sa pamilya sa suspetsado ug didto nainit ang suspetsado ug iyahang gipusil ang iyaha ra usab nga uyoan gamit ang 12 gauge shotgun ( baliuntod) nga maoy hinungdan sa hinanali nga kamatayon niini.
Dali nga mi responde ang personahe sa Matanao MPS kauban ang RPSB team Colonsabac ug pinaagi sa tabang sa 39IB PA nga diin didto boluntaryo nga mingtahan sa iyahang kaugalingon ang suspetsado.
Gi kustudiya na sa kapulisan ang suspetsado nga giila nga usa ka Melchor Mula Akdang, 19 anyos, ug residente sa Sitio Datalpitak, Brgy Colonsabac, Matanao, Davao del Sur ug Kasong Pagpatay ang ipasang- at nga kaso batok kaniya didto sa hukmanan. (BY RICHY NALAGON)
Hulagway: Matanao PNP