4 PATAYNG LAWAS SA GITUHUANG PASAHERO SA NALUNOD NGA MBCA AMEJARA, NA-REKOBER NA
Giklaro sa ulahing report sa Mindanao Development Authority (MinDA) nga sa pagkakaron, as of 2:30 Sabado sa hapon, Enero 24 upat pa lang ka patayng lawas ang na-recover sa mga otoridad nga gituhuang sakay sa nalunod nga MBCA Amejara.
" Correction po sir sa previous report na 6 recovery sir, ang sure po narecover sir is only 4 bodies recovered sir...yung ibang tinuturo ng fisherman sir, it turn out nung nilapitan ng tropa, mga lifejackets lang po sir...ongoing pa din search ng NFEM," kini ang mensahe nga gipaabot sa Joint Task Force Sinaya kay MinDA chairperson Secretary Leo Magno.
Samtang Subay sa report sa Coast Guard District Southeastern Mindanao, as of 11:45, Enero 24, nakuha ang patayng lawas sa Salazar fishing fleet, nga gipanag-iyahan sa usa ka miyembro sa Philippine Coast Guard Auxiliary (PCGA).
Ang patayng lawas giturn-over sa Philippine Navy Vessel PS 37 (BRP ARTEMIO RICARTE) for transport and transfer.
Nagpadayon sab ang Search and rescue operations gamit ang "surface and aerial assets" aron makita ang nabilin pang mga missing persons.