Nasayran sa report sa DCPO, nahitabo ang giingong pagpangdagit alas 11:30 sa buntag niadtdong Disyembre 23, 2025 sulod sa Davao City Overland Transport Terminal (DCOTT).
Gilayong nasubay sa kapulisan pinaagi sa kooperasyon sa driver sa van nga gisakyan sa suspek hinungdan nga natultulan ang lokasyon sa suspek nga si Marelyn Saliot Terrora nga nailhan usab nga si Marivic Saliot didto sa Sitio Kilabao, Barangay Kimadzil, Carmen alas 6 pasado sa gabii, Disyembre 24.
Pinaagi sa koordinasyon sa DCPO ngadto sa North Cotabato Police, Barangay officials, nadakpan ang suspek ug naluwas ang menor de edad nga biktima.
Ang suspek mag-atubang sa paglapas sa Article 270 sa Revised Penal Code o Failure to Return a Minor.
Gidayeg ni DCPO acting director Colonel Mannan Muarip ang propesyonalismo ug dedikasyon sa mga sakop sa Women and Children Protection Desk (WCPD) ug operating units, lakip partner agencies nga nagkahiusa hinungdan nga paspas naaksyunan ang kaso.
"Let this serve as a strong warning: the Davao City Police Office will exhaust all available resources—personnel, intelligence, technology, and inter-agency coordination—to identify, locate, and arrest anyone involved in crimes against minors. There will be no safe haven for offenders, regardless of where they flee, " suma ni Muarip.
📷DCPO