Basi sa dokumento nga nahipos sa NewsFort, alas 4:35 sa hapon, Nobyembre 27 sa dihang nagpatala sa kapulisan si Cagas labot sa pagkawala sa iyang rifle (RGR) caliber 5.56 nga dunay serial number 602376 diin expired na ang lisensya niadto pang Abril 2025 ug rifle (BMSTR) caliber 223 diin ang expiry date sa lisensya Abril 2033.
Sigon sa saysay ni Cagas subay sa dokumento, ang maong mga armas nakatago matod pa balay sa iyang inahan sa Estrada 3rd, Digos City diin siya sab nagpuyo sa wala pa ang linog niadtong 2019. Nakabutang matod pa kini sa storage area for safety and security.
Dugang sa kanhi opisyal, tunga-tungang bahin sa Oktobre 2019 ug Disyembre 2019, nakasinati ug sagunsong linog ang Davao del Sur resulta matod pa sa grabeng pagkadaut sa ilang pinuy-anan hangtod kini nahagsa tungod sa gikusgon sa linog ug sa padayong aftershocks.
Nagtuo si Cagas nga nawala o kaha nawani kini atol sa “clearing of debris” ug sa ilang pagbalhin sa ilang mga gamit human na-collapse ang ilang balay.
Ang pagkawala sa duha ka pusil, nadikobrehan lamang niadtong Nobyembre 28, 2025 alas 12 sa tungang gabii sa dihang nihimo kini ug accounting sa tanan niining armas nga nakarehistro sa iyang pangalan.
“It was only then that I realized that these two firearms were missing and could no longer be accounted for,” subay sa nakatala sa iyang affidavit.
“I immediately exerted diligent and exhausted efforts to locate the firearms. I revisited all remaining belongings, checked all present storage areas, and asked family members whether any itemd from the 2019 earthquake had been set aside or kept elsewhere,” ingon pa ni Cagas.
Samtang sa susamang adlaw sab, siyam pa ka mga armas nga gipanag-iyahan ni Cagas ang iyang boluntaryong giturn -over sa kapulisan.
Ang maong mga armas gilangkuban sa caliber 45; rifle 5.56; AK-47; 9mm; ug caliber 40.