Subay sa report sa Davao City Police Office, Nailhan ang mag-inahan nga nabanggaan nga sila Rosita Olivar, 50 anyos ug Angel, 11 anyos, residente sa Happy Village Barangay Suawan, Marilog District, Davao City.
Sa imbestigasyon sa kapulisan, gilawig sa motorsiklo ang highway paingon sa Calinan Proper nga gimaneho sa menor de edad nga si alyas "Karl", 17 anyos, taga San Antonio, Agdao, Davao City ug sakay ang backride nga 15 anyos nga si alyas "John" molopyo sa Barangay Tawan-Tawan,Baguio District, Davao City.
Apan pag-abot sa Sitio Talisay, ilang nabanggaan ang mag-inahan nga mitabok sa highway. Tungod sa impact, nalamba ang mga biktima sa kalsada.
Niresponde gilayon ang mga rescuers sa Barangay Talomo River Response team sa mga biktima ug gipangdala sa hospital apan namatay si Rosita pag-abot sa Adventist Hospital. Samtang padayong ginatambalan ang anak niini nga gidala sa SPMC.
Angol sab ang menor de edad nga rider ug angkas nga gipangdala sa Isaac Robillo Hospital sa Calinan.
Nakakustodiya na sa kapulisan ang mga batan-on human kini na-discharge sa ospital.
📷DCPO