Mas taas kini ug kapin upat ka libo kung itandi sa natala kagahapon nga 17,220.
Tungod niini misaka na sa kinatibuk-ang 2,910,664 ang mga naigo sa COVID-19 sa tibuok kapupud-an.
Gikan sa naasoyng ihap, 77,369 usab ang padayong nagpaalim o anaa sa aktibong kaso.
Natala usab sa Department of Health (DOH) sa 973 ang mga nangaayo karong adlawa kung itandi sa 616 nga mga recoveries kagahapon.
Sa kinatibuk-an, mihapak na sa 2,781,424 ang total recoveries o nangaayo sa tibuok nasod.
Samtang, 129 ang natalang dugang namatay karong adlawa nga mas taas sa mga namatay kagahapon nga 81.
Miabot na sa 51,871 ang tibuok ihap sa nangamatay sukad nagsugod ang pandemya.
Subay sa report sa DOH, napulo ka mga laboratoryo ang pakyas makasumite sa ilang datos sa COVID-19 Documents Repository System