Sumala pa ni Moreno, ma-bata man o tiguwang kung walay mapakitang vaccine card, di kini makatamak sulod sa malls.
Kini usab ang patakaran pag-abot sa mga pampublikong sakyanan, apan gisalig na niini sa chairman sa Metropolitan Manila Development Authority (MMDA) Benhur Abalos ang paghatag sa dugang detalye.
Malaumon si Moreno nga mutamod ang mga mall managers sa iyang palisiya alang sa kaluwasan sa mayoriya labina nga mibalik sa pagsipa ang kaso sa COVID-19 og sa hulgang Omicron variant.
Samtang balik sa COVID-19 high risk status ang Pilipinas subay sa pagsaka sa ihap sa kaso sa COVID.
Sumala pa ni Department of Health Undersecretary Maria Rosario Vergiere, dunay 222 percent growth rate ang Pilipinas kung itandi ang mga kaso niadtong Disyembre 6 hangtod 19,2021 ug Disyembre 20, 2021 hangtod sa Enero 2, 2022.
Dugang sa opisyal, anaa sa moderate risk usab ang daily attack rate sa nasod nga 1.07% sa matag usa ka gatus ka libong indibidwal.
Niining semanaha lamang subling misirit sa kapin upat ka libo ang bag-ong kaso sa COVID sa nasod kung dii kini ang pinakataas sukad Oktubre 24 sa miaging tuig.