Ang nahisgutang aktibidad gipangunahan sa hepe sa kapulisan sa Rehiyon Onse Brigadier General Filmore Escobal, ug mga opisyal sa Mindanao Development Authority (MinDA).
Sa maong tree planting activity, nahimong espesyal nga bisita sa okasyon mao si senatorial candidate Emmanuel Piñol.
Gikonsiderang dakong tabang ang maong mga kahoy alang sa reforestation program sa kagamhanan ingon man makatabang alang sa pagbaton ug green camp sulod sa training school sa kapulisan.
Sa iyang pagpamulong, gipasalig ni Piñol ang iyang suporta ug misaad nga muhatag pa ug dugang abuyog jackfruit ug giant bamboos aron manumbalik ang kanindot sa palibot sa Mt. Apo.
Ang mga dagkong kawayan maoy ginaproseso sa paghimo ug mga furniture, ply board, tiles, ingon man building materials ug ginagamit sa construction materials.
Nasayran nga gina-export na usab kini sa Vietnam ug United States nga makatabang sa mga residente nga nagpuyo sa Barangay Kapatagan alang sa ilang dugang kita.
Hulagway: Davao del Sur Provincial Police Office