Gimando ni Police Regional Director Brigadier General Romeo Caramat Jr sa mga Station commanders sa maong lugar nga magpakatag ug mga personahe aron labi pang pakusgan ang seguridad.
Gipasalig sa kapulisan nga di niini pasagdan nga dunay mokuyanap nga looting sa mga lugar nga naigo sa bagyong Odette sa giandam nga contingency plans.
Bantay-sarado sab ang kapulisan sa nagpadayong distribusyon sa relief goods tungod sa nahitabong inilugay, ug unhanay nga makakuha ug tabang-donasyon nga nagresulta sa kaguliyang.
Duna usay presensya sa kapulisan sa taas nga linya sa mga tao sa grocery stores , water refilling stations, ug gasoline stations.
Nanawagan si Caramat sa publiko nga ihatag ang kooperasyon sa mga otoridad ingon man pagsabot labina nga halos tanan nakasinati sa dakong hagit epekto sa bagyong Odette.
Hulagway: PNP