Giila ang mga suspek nga sila Sanny Jim Haton alias Batuti, hamtong ang panuigon ug usa ka construction worker. Si Haton, maoy punterya sa buy-bust operation.
Natiklo usab ang kauban niini nga sila Ferdinand Magallanes, vendor ug Leonardo Magallanes. Ang tulo pulos residente sa Dumalag 2, Matina Aplaya.
Nadakpan ang mga suspek nga nagbaligya ug shabu nga miresulta sa pagka-rekober sa pipila ka pakete sa ginadiling droga nga mukantidad sa P80,000.
Nakuha usab sa possession ni Ferdinand ang usa ka punto 38 nga caliber revolver ug bala.
Tanggong sa detention cell sa Talomo Police Station ang mga dinakpan samtang gihikay na ang kasong isang-at batok kanila nga paglapas sa
Republic Act (RA) 9165 ug RA 10591.
Nanganti si Police Major Sean C Logronio, chief of police sa Talomo nga magpadayon ang ilang paggukod batok sa mga indibidwal nga naghatag kadaut sa komunidad.
“We will continue to target those causing most harm and devastation in our community. The seizure of the firearm, ammunitions and a sizable quantity of illegal drugs will, we believe, contribute to the disruption and proliferation of illegal drugs in the city that we continue to target, for the purpose of keeping our communities safe,” matod pa ni Logronio.
Hulagway: DCPO