Kini ang gikumpirma sa Office of the Chancery kun diin gibutyag nga nadala sa naghaguros nga tubig-baha sa parokya sa Matutinao nga iyang gialagaran sa Badian, Cebu ang namatayng pari.
Anaa sa Matutinao ang sikat nga Kawasan Falls nga ginadayo sa mga turista.
Una nang nabaniog ang pagkawala ni Father Leo, sumala sa kapulisan ug lokal nga gobyerno sa Badian.
Nidalit ug pag-ampo ang kasimbahanan ug mga parokyano sa Sugbo nga ilang makit-ang buhi ang pari , apan nakumpirma ang identity niini pinaagi sa suot niining celibacy ring nga may nakakudlit nga pangalan.
Natukma usab ang ang suot sa patayng lawas nga napalgan sa syudad sa Toledo, Cebu niadtong Disyembre 18 sa suot ni Father Leo sa dihang na-missing kini sa kasagsagan sa pagkuso-kuso sa bagyong Odette sa Southwest Cebu.
Usa ang Badian sa Cebu nga gilampurnas sa bagyo apil usab ang uban pang munisipyo sa syudad ug central ingon man Southern Cebu niadtong nag-landfall ang bagyong Odette gabii niadtong Disyembre 16 .
Hulagway: Archdiocese of Cebu