Kinilala ang mga nasawi na sina Yasser Catacutan alias Kardo at Eizar Emam. Si Catacutan ay nahaharap sa kasong Murder dahilan para babaan ito ng lokal na korte ng warrant of arrest.
Sa ulat ng 5th Special Forces Battalion, sa halip na sumuko ng maayos, nakipagbarilan ang suspek sa tropa ng pamahalaan madaling araw nitong Lunes (May 20, 2024) na kinabibilangan ng mga operatiba ng 10th Special Forces Company kasama ang mga pulis mula sa T’Boli Municipal Police Station.
Matapos ang halos sampung minutong palitan ng putok, nakitang bumulagta ang dalawang mga suspek habang sugatan naman ang isang sundalo.
Nagawa pang isugod sa pinakamalapit na pagamutan ang mga suspek at ang sugatang sundalo. Pero ang dalawang mga suspek ay di na umabot pa nang buhay, habang nasa maayos na kalagayan naman ang sugatang sundalo.
Nakuha naman mula sa mga suspek ang isang Cal .45 Pistol, at isang plastic container na may blasting cap na may baterya sa loob.
Pinuri naman ni Major General Alex S. Rillera, ang pinuno ng 6ID at JTF-Central, ang katapangan at dedikasyon ng mga tropa para mapanatili ang kaayusan at katahimikan sa kanayunan. “𝘼𝙣𝙜 𝙥𝙖𝙜𝙠𝙖𝙠𝙖𝙩𝙪𝙣𝙩𝙤𝙣 𝙖𝙩 𝙥𝙖𝙜𝙠𝙖𝙠𝙖𝙥𝙖𝙨𝙡𝙖𝙣𝙜 𝙨𝙖 𝙢𝙜𝙖 𝙣𝙖𝙩𝙪𝙧𝙖𝙣𝙜 𝙡𝙤𝙠𝙖𝙡 𝙣𝙖 𝙩𝙚𝙧𝙤𝙧𝙞𝙨𝙩𝙖 𝙖𝙮 𝙧𝙚𝙨𝙪𝙡𝙩𝙖 𝙣𝙜 𝙥𝙞𝙣𝙖𝙞𝙜𝙩𝙞𝙣𝙜 𝙣𝙖 𝙥𝙖𝙜𝙩𝙪𝙩𝙪𝙡𝙪𝙣𝙜𝙖𝙣 𝙣𝙜 𝙖𝙩𝙞𝙣𝙜 𝙠𝙖𝙨𝙪𝙣𝙙𝙖𝙡𝙪𝙝𝙖𝙣 𝙖𝙩 𝙠𝙖𝙥𝙪𝙡𝙞𝙨𝙖𝙣, 𝙠𝙖𝙖𝙜𝙖𝙥𝙖𝙮 𝙣𝙜 𝙢𝙖𝙢𝙖𝙢𝙖𝙮𝙖𝙣 𝙖𝙩 𝙡𝙤𝙠𝙖𝙡 𝙣𝙖 𝙤𝙥𝙞𝙨𝙮𝙖𝙡 𝙣𝙜 𝙥𝙖𝙢𝙖𝙝𝙖𝙡𝙖𝙖𝙣 𝙪𝙥𝙖𝙣𝙜 𝙬𝙖𝙠𝙖𝙨𝙖𝙣 𝙣𝙖 𝙖𝙣𝙜 𝙗𝙖𝙣𝙩𝙖 𝙣𝙜 𝙩𝙚𝙧𝙤𝙧𝙞𝙨𝙢𝙤 𝙨𝙖 𝙖𝙩𝙞𝙣𝙜 𝙧𝙚𝙝𝙞𝙮𝙤𝙣. 𝘼𝙣𝙜 𝙢𝙖𝙩𝙖𝙜𝙪𝙢𝙥𝙖𝙮 𝙣𝙖 𝙤𝙥𝙚𝙧𝙖𝙨𝙮𝙤𝙣 𝙖𝙮 𝙞𝙨𝙖𝙣𝙜 𝙥𝙖𝙩𝙪𝙣𝙖𝙮 𝙣𝙖 𝙥𝙖𝙩𝙪𝙡𝙤𝙮 𝙣𝙖 𝙣𝙖𝙣𝙜𝙞𝙣𝙜𝙞𝙗𝙖𝙗𝙖𝙬 𝙖𝙣𝙜 𝙠𝙖𝙩𝙖𝙧𝙪𝙣𝙜𝙖𝙣 𝙨𝙖 𝙖𝙩𝙞𝙣𝙜 𝙡𝙪𝙜𝙖𝙧. 𝙉𝙖𝙜𝙥𝙪𝙥𝙪𝙜𝙖𝙮 𝙙𝙞𝙣 𝙩𝙖𝙮𝙤 𝙨𝙖 𝙖𝙩𝙞𝙣𝙜 𝙨𝙪𝙣𝙙𝙖𝙡𝙤 𝙣𝙖 𝙣𝙖𝙨𝙪𝙜𝙖𝙩𝙖𝙣 𝙨𝙖𝙥𝙖𝙜𝙠𝙖𝙩 𝙨𝙖 𝙠𝙖𝙗𝙞𝙡𝙖 𝙣𝙜 𝙢𝙖𝙩𝙞𝙣𝙙𝙞𝙣𝙜 𝙥𝙖𝙣𝙜𝙖𝙣𝙞𝙗 𝙖𝙮 𝙗𝙪𝙤𝙣𝙜 𝙨𝙞𝙜𝙖𝙨𝙞𝙜 𝙣𝙮𝙖 𝙣𝙖 𝙩𝙞𝙣𝙪𝙥𝙖𝙙 𝙖𝙣𝙜 𝙠𝙖𝙣𝙮𝙖𝙣𝙜 𝙩𝙪𝙣𝙜𝙠𝙪𝙡𝙞𝙣,” saad ni Rillera.