Ang matag kahon nga gikan sa Department of Social Welfare and Developlent (DSWD) Region 9, dunay unod nga unom ka kilong bugas, upat ka latang tuna, upat ka latang corned beef, duha ka latang sardinas , 5 sachets sa kape, ug 5 sachets sa cereal.
Ang DSWD IX, dunay naka-standby nga 20-libong kahon sa pagkaon alang sa mga biktima sa kalamidad.
Gibutyag sa tigpamaba sa Philippine Navy Commander Benjo Negranza, magbutang ang Naval Forces Eastern Mindanao ug advance Command post sa Surigao City nga mahimong sentro sa ilang Humanitarian and Disaster Relief Operations sa area.
Kasamtangang aktibo na sa lugar ang BRP Hilario Ruiz (PC378) ug BRP Rafael Pargas (PC379) sa paghatod sa mga stranded individuals ingon man paglusad ug survey sa mga pantalan sa Surigao City, Dinagat, ug Siargao islands.
Sumala ni Negranza andam usab ang Navy nga ideploy ang BRP Tarlac (LD601), BRP Ang Pangulo (ACS25), BRP Bacolod City (LC550), BRP Iwak (LC289), ug BRP Agta (LC290) aron mutabang sa Humanitarian Assistance and Disaster Response (HADR) sa nahisgutang lugar.
Hulagway gikan sa Philippine Navy