Sa interbyu kang DCPO chief Colonel Richard Bad-ang Martes sa hapon, gibutyag niini “yon yong priority ngayon ng Davao City Police Office because that incident was the only incident happened that day.”
Adlawng Lunes, personal nga gi-inspeksyon ni Bad-ang ang lugar diin nahitabo ang krimen ug gihinabi sab niini ang bana sa biktima lakip na ang mga testigos.
Gikumpirma niini nga nag-request na sila ug “availability” sa CCTV sa lugar aron ilang mailhan ang mga suspek.
Gidugang ni Bad-ang nga ila sab gitino ang ubang anggulo sa krimen ilabina ang pagsuta nganong gibiyaan sa bana ang iyang asawa nga pwede naman daw niini ubanon sa pagpalit ug tambal.
Sa pangutana kung lakip ba ang bana ni Cinderella Esteban Rosales nga taga-Tagum City nga imbestigahan, sumala pa ni Bad-ang “kasama siya sa aming tinitingnan kasi according to him sinasabi niya na is that because of the business ng babae.”
Naglaum si Bad-ang nga makakuha sila ug mas nindot nga lead sa kaso.
Matod sa opisyal, gikunsidera sa kapulisan nga isolated case ra ang nahitabo sanglit kini lang ang nahitabong krimen gikan sa 8 focus crimes sulod sa pipila ka adlaw.