Sumala pa ni Mati City Mayor Michelle Nakpil Rabat nga gawas sa bugas, nagpadala usab ang Mati LGU og mga presonahe ingon man mga heavy equipment sa Barangay Pichon, Caraga kaniadtong Disyembre 22 aron mutabang sa clearing ug rehabilitation sa gidamyos sa bagyo.
Ang Bagyong Kabayan mi-landfall sa Barangay Conception, Manay niadtong Disyembre 18, 2023 ug nagbilin og dakong epekto sa probinsya sa Davao Oriental.
Ang bagyo nagdala sa walay hunong nga pag-ulan, nga miresulta sa kaylap nga pagbaha, pagdahili sa yuta, ug dakong kadaot sa imprastraktura sa probinsya.
Gibanabanaang anaa 1,500 ka pamilya nga nagpuyo sa hilit nga mga lugar sa Davao Oriental ang nag-antos sa grabeng kadaot nga gipahinabo sa Bagyong Kabayan.
Dugang ni Rabat padayon kini nga nakig-alayon kang Caraga Mayor Ronie Sango Osnan kalabot sa katalagman nga ilang nasinati.
Gihulat na lamang ni Rabat ang pag-apruba sa Konseho sa itunol nga donasyon.