Nakit-an sa CCTV footage nga nahipos sa mga awtoridad ang duha nga sakay sa motorsiklo samtang paadto hangtod sa paghawa sa MSU human sa pagbusikad.
Nakit-an sab sa CCTV ang lalaking backrider nga naka-puti ug long-sleeve nga may bitbit nga bag nga sumala pa kang Fajardo nag-unod sa 60 mm mortar ug RPG nga gigamit sa pagpamomba.
Nisulod matod pa ang duha sa MSU gym bitbit ang bag banda 7:03 sa buntag ug nigawas 7:11 nga wa nay bag.
Ang duha ka persons of interest gawas pa kini sa mga gitumbok nang suspek sa kapulisan nga sila Cadapi Mimbisa alyas Engineer ug Arsani Membisa alyas Khatab/Hatab/ Lapitos nga gituhuan sab nga nag-plano sa pagpamomba ug nakita sa mga testigo nga anaa sa misa ayha nahitabo ang pagbusikad.
Hulagway gikan sa PNP