Kini taliwala sa pag-anunsyo di pa dugay nga nagkasabot na ang gobyerno ug National Democratic Front of the Philippines (NDFP) alang sa Peace negotiations.
Gipasabot ni Año, taas pa nga hisgutanan ang pagbaton ug pinal nga kasabutang-pangkalinaw.
Sumala pa sa kalihim wala kunoy problema sa security sector nga makighimamat sa NDF, apan di sila motugot sa unsa mang butang nga magpakusog lang sa posisyon sa NDF ug magbaliwala sa kalampusan nga nakab-ot sa gobyerno.
Gipamugos ni Año, hangtod nga wala pay pinal nga kasabutan, magpadayon ang National Task Force to End the Local Communist Armed Conflict (NTF-ELCAC) ug Armed Forces of the Philippines (AFP) sa ilang tinguha nga tuldukan na ang insurhensya.