Ang pahayag gihimo ni United States Department of State Spokesperson Mathew Miller, human temporaryong nakagawas ang kanhi senador adlawng Lunes sa dihang gitugutan sa korte nga makapyansa sa ika-tulo ug katapusang kaso nga giatubang niini.
Sa iyang pahayag, gitumbok ni Miller isip “politically motivated” ang mga kasong may kalambigita sa ilegal nga droga nga giatubang ni de Lima nga niresult sa iyang pagkapriso sa halos pito ka tuig.
Dungan niini, gibutyag ni Miller ang luag nga pagdawat sa Estados Unidos sa temporaryong kagawasan ni de Lima sa pagpawalay-sala sa unang duha ka kasong gipasaka batok kaniya.
Una nang nagpasalamat si de Lima sa International Community sa pag-monitor sa iyang kaso, ug kay Pangulong Ferdinand Marcos Jr. sa pag-ila niini sa independensya sa hudikatura.
Leila de Lima