Alas 9:32 Huwebes Huwebes sa buntag (Nobyembre 2) sa dihang gipusil sa suspek nga nailang si Budz Derek Keesey Dela Cruz, 40 anyos, BPO employee ug residente sa Cortina Street Davao Executive Homes Matina, Davao City ang biktimang si Aurel Joy Baucan, 41 anyos, nagpuyo gihapon sa susamang subdivision.
Basi sa pahayag sa Lola sa biktima nga igo ra unta mupalit ug sigarilyo ang iyang apo sa duol nga tindahan apan ila na lang nadungog ang buto sa armas ug sa ilang paggawas nakita na lamang ang biktima nga naghigda na sa dalan.
Hinoon, gilayon nga nisurender ang suspek sa kapulisan human sa insidente.
Nigawas sa imbestigasyon nga duna nay bangi ang duha kalabutan sa sekreto kunong pagkuha ug hulagway sa suspetsado nga maoy ugat hinungdan sa ilang away.
Boluntaryo sab nga gitahan sa asawa sa suspek, Bai Linang Agar-Dela Cruz ang gigamit nga armas sa pagpamusil nga 9mm lakip na ang magazine niini.
Gideklarang dead on the spot si Baucan sa mga mirespondeng medical and rescue team sa Central 911.
Hulagway gikan sa DCPO