Sumala pa ni Police Regional Office (PRO) 11 Director Brigadier General Alden Delvo nga subay sa iyang pakighinabi sa iyaan sa biktimang si Alvin Bengil Garcia, 32- anyos nga incumbent kapitan sa maong barangay nga wala matod pa silay bangi sa biktima.
Ang Barangay Camantangan duna lamay 700 registered voters. So lisod man awayan ang 700 voters unya awayan ang gamay nga barangay,” sumala pa ni Delvo.
Busa, sumala pa ni Delvo layo nga politically motivated ang krimen basi sa iyang pagduki-duki sa pamilya sa biktima. Hinoon, gikanayon niini nga wala sab giwala sa kapulisan ang posibilidad nga tingalig may kalambigitan sa eleksyon sa pagpatay kang Garcia.
“Wala namo gi-discount ang angle nga politically motivated ilabina nga election period man.” Apan nigawas sa among imbestigasyon nga naay personal nahitabo sa biktima,” ingon pa ni Delvo.
Dugang sa opisyal nga nigawas sa imbestigasyon nga dunay nakarelasyon si Garcia nga minyo ug iya kini nga napaangkan.
“Nigawas sa imbestigasyon nga naay personal thing involved,” So again, we are not discounting the idea of both angles, political and personal.”
Gikumpirma ni Delvo nga duna nay persons of interest sa krimen human sab iyang nahinabi ang babaye nga nakarelasyon sa biktima nga giingong bulag sa bana nga anaa sa abroad.
Dili sab makunsidera sa dakong opisyal sa Kapulisan sa Rehiyon Onse nga malakip sa Election Area of Concern ang Montevista. Hinoon aminado si Delvo nga dunay kasaysayan sa political rivalry ang Montevista apan wala matod pa nisantop sa paghimo’g krimen.
Dugang ni Delvo nga niarangkada na sa ilang imbestigasyon ang gimugnang Special Investigation Task Group (SITG) sa pagpatay kang Garcia.
P
PRO 11 Regional Director Brigadier General Alden Delvo