Subay sa nakuhang kopya sa warrant of arrest sa News Fort, gimanduan ni RTC 11 Branch 15 Presiding Judge Mario Duaves ang mga otoridad nga dakpon ang mga akusado nga sila Colonel Michael Licyayo, Sergeant Gilbert Plaza, Sergeant Delfin Sialsa Jr., ug Corporal Adrian Cachero.
Ang upat giingong anaa sa kustodiya sa 10th ID headquarters sa Barangay Tuburan, Mawab, Davao de Oro.
Walay girekomendang pyansa ang korte sa kasong murder nga giatubang sa mga akusado.
Ang warrant of arrest nigawas niadtong Setyembre 22, 2023.
Si Plaza gipusil-patay niadtong Disyembre 29, 2022 sa gawas sa gipuy-ang balay niini sa Mintal, Davao City sa duha ka mga lalaki nga sakay sa motorsiklo.
Ang giingong mastermind sa insidente nga si kanhi 1001st Brigade ug Presidential Security Group Brigadier General Jesus Durante nga unang giapil sa kaso ang wala nahilakip sa dihang gisang-at na ang kaso sa korte sanglit wala matod pay igong ebidensya nga makatudlo nga siya mismo ang nagsugo sa pagpatay sa modelo.
Si Licyayo ang kanhi deputy commander ni Durante sa 1001st Brigade nga nakabase sa Maco, Davao de Oro.