Naigo sa pagbusikad ang ikaduhang sakyanan sa upat ka sakyanang convoy sa gobernador hain siya nakasakay. Hinoon anaa sa luwas nga kahimtang ang opisyal.
Sa usa ka pahayag, gibutyag ni WestMinCom Spokesperson Major Andrew Linao nga nakig-alayon na ang militar sa mga lokal nga awtoridad sa imbestigasyon sa insidente aron matumbok ang mga responsable.
Nanawagan sab si Westmincom Commander Major General Steve Crespillo sa publiko nga magpabiling kalmado dungan sa pagsiguro nga di lung-an sa militar ang ilang combat ug Non-combat Operations aron masiguro ang kaluwasan sa katawhan.