Sumala pa kang ACG Spokesperson Police Captain Michelle Sabino nasikop ang babaye ug lalaki suspek sa entrapment operation sa Las Piñas niadtong Oktubre 10.
Subay sa reklamo sa biktima, iyang naila-ila niadtong Marso 27, 2023 ang usa ka suspek sa Facebook isip “Evans Maxwell” nga nagpakaron-ingnong Amerikano nga nanguyab kaniya.
Tungod kay na-in-love na ang biktima sa nagpailang kano, wala kini nagduha duha nga magpadala kini ug P700,000 pinaagi sa manager’s check sa usa ka “Louie John Petere”; ug P1.2 milyong sab ang iyang gipadala sa money remittance service sa usa ka “Laiden Petere", nga gamiton kuno sa pagbiyahe sa suspek.
Apan nagduda na ang biyuda sa dihang gipangayuan na sab kini ug dugang 20,000 dollars sa suspek busa nisumbong na kini sa mga otoridad.
Ang mga suspek nga kasamtangang napriso sa Las Piñas Police station mag-atubang sa kasong Swindling/Estafa labot sa pagsupak sa Republic Act (RA) 10175 o Cybercrime Prevention Act.
Hulagway gikan sa PNP-ACG